Өзбекстан билігі алкоголь сатпайтын, өзін "халал" деп жарнамалайтын кемі 10 дәмхананы жауып тастады. Дәмхана иелерінің айтуынша, күш құрылымдары "ішімдік сатуға келіссеңдер, бизнестеріңді қайта ашамыз" деген.
Кейінгі кезде Тәжікстанның көп өңірінде электр тоғы жиі өшіп, шаруалар мен кәсіпорындар жарықсыз қалды. Билік бұған жөндеу жұмыстарын сылтау етеді, бірақ оның қашан бітетінін айтпайды.
Былтыр жүздеген ресейлік Қырғызстан төлқұжатын алған. Ресейдің жекеменшік компаниялары Қырғызстаннан жеңіл жолмен азаматтық алуды ұсынады. 2022 жылы ақпанда Ресей Украинаға басып кіргенде, жүздеген мың ресейлік шетелге қоныс аударып, көбі постсоветтік елдерді паналаған.
Түркіменстанды кедейлік жайлап, ұрлық-қарлық көбейіп кетті дейді тұрғындар. Елде жоқшылық салдарынан балалардың дүкенге ұрлыққа түсетіні, мешіттен аяқкиім мен әмияндар қолды болатыны жайлы хабарлар жиілеген.
Түркіменстанды 16 жылға жуық басқарған Ғұрбанғұлы Бердімұхамедов биыл көктемде президент қызметінен кетті. Бірақ аттан түссе де, үзеңгіден түскісі келмейтін экс-президенттің мемлекеттік аппаратқа ықпалы әлі жүріп тұр.
Жергілікті депутаттар Бішкектегі төрт әкімшілік ауданның совет заманынан қалған атауын өзгертуді ұсынды. Бұған Ресейдің депутаттары мен баспасөз құралдары қарсылық білдіріп, Украина мен Грузияны мысалға келтіріп жатыр. Қырғыз депутаттары атау өзгерту Қырғызстанның ішкі мәселесі деп есептейді.
Түркияда инфляция рекорд жаңартып, ұлттық валютасы – лира құнсызданып жатыр. Осыған қарамастан, бұл елге Орталық Азиядағы еңбек мигранттары көп келеді.
Түркіменстанда жүктіліктің бесінші аптасынан кейін аборт жасауға тыйым салатын заң бар. Құжатты сынға алған дәрігерлер әйелдердің көбі бұл уақытта жүкті екенін білмей жататынын айтады.
Азаттықтың Тәжік қызметі зерттеу жүргізіп, Ресейдің Орталық Азия арқылы Украинаға әскер жібергенін анықтады. Сарапшылар бұған Ресей күштерінің соғыста көп шығынға ұшырауы себеп болды дейді.
Тағы
